প্ৰিয়তমা তোমালৈ: প্ৰেমত পৰিব নকবা

Wednesday, 20 July 2016

প্ৰেমত পৰিব নকবা

আমিবোৰ মাতাল উদঙীয়া নষ্ট
প্ৰেমিকে কি বুজিম বিৰহৰ কবিতা!
বুজোঁ নো কি স ' তে প্ৰেমৰ আধালিখা
ডায়লগ? মা কচম ,ভাল লাগিলে
ডায়ৰেক্ট বিয়া পাতি লৈ আনিম ৷
কিন্তু, প্লীজ ভালপাবলৈ ন 'কবা ৷ এই
যে হোৱাই-নোহোৱাই হোৱাটচ এপত
মেচেজ কৰিবা , ভয়চ ন 'ট পঠিয়াবা ,
বিদ্যা শপত বৈদ্য কামোৰ ৷ আমিবোৰ
উদঙীয়া নষ্ট প্ৰেমিকে তোমালোকৰ
স ' তে চি চি ডি ত বহি ঘণ্টাৰ পাছত
ঘণ্টা আড্ডা দিব নোৱাৰোঁ ৷ দিনটোৰ
শেষত ৰাতিবোৰ ৰঙীন কৰিবলৈও
তোমালোকৰ স 'তে ' নেহৰু-
শ্ৰদ্ধাঞ্জলী' ত বহিবলৈ সময়ে নকুলায় ৷
ব্যস্ত পথৰ বেকাৰ প্ৰেমিক আমি ৷ নষ্ট
হোৱাটো আমাৰ ধৰ্ম ৷ নহ 'লেনো
কিদৰে বুজিম তোমালোকৰ সুখ-দুখৰ পাক
লগা মেথমেথিকচৰ ফৰ্মূলাবোৰ !
আমিবোৰ কেৱল নষ্ট যোৱা মাতাল
উদঙীয়া প্ৰেমিক ৷ আমাৰ জীৱনটো
উদযাপন হয় এঢোক ফটিকাত ৷ এটা
গ ' ল্ডফ্লেকৰ ধোঁৱাত সপোনবোৰ উৰাই
পঠিয়াও কোনোবা অজান দেশলৈ ৷
প্লীজ প্ৰেমত পৰিব নক 'বা....

No comments:

Post a Comment

প্ৰি়য়তমা তোমালৈ

☞☞☞ কঁপি কঁপি অহা কোলাহল হৃদয়ৰ দুখ বেদনাৰ শব্দবোৰত সৃষ্টি হোৱা অনুভৱৰ আবেগত মই এটি অন্ধকাৰ কোঠাত এখন উকা কাগজ আৰু এটি কলম লৈ বহিছো দু-এষাৰ লিখো বুলি ।
নাজানো জীৱনৰ শেষ কেতিয়া তথাপি সপোনৰ মাজত জীয়াই থকাৰ হেঁপাহ । কিন্তু যেতিয়া মনে সজা সপোনবোৰ ভাঙি যায় তেতিয়া ! তেতিয়া জীৱন হৈ পৰে এক অপাত্ৰক আৰু মৰণ হৈ পৰে শেষ পৰিণতি । কিন্তু কোনোৱে এইটো নিবিচাৰে । কিছুমান পৰিস্থিতিয়েহে বাধ্য কৰে । বৰ্তমান মইও এক অপাত্ৰক হৈ পৰিছো । মাথোঁ হৃদয়ত লিখা আছে দুখ বেদনাৰ হিয়াভৰা গান । কোৱা হয় যেতিয়া সপোনবোৰ ওচৰত থাকে তেতিয়া একো বুজিব নোৱাৰি বা উপলব্ধি কৰিব নোৱাৰি । কিন্তু যেতিয়া আতৰি যায় তেতিয়াহে উপলব্ধি কৰা হয় আৰু নিজৰ ভুল বুজি পোৱা যায় । কিন্তু হেৰুৱা সপোনবোৰতো আৰু ঘুৰাই পোৱা টান । এতিয়া মাথোঁ বিষাদৰ স্মৃতি আৰু চকুলোবোৰ একমাত্ৰ সংগী হৈ পৰিছে । আৰু আশা, আশা হৈয়ে ৰৈ আছে । জীৱন যাত্ৰাপথত আগুৱাই যাবলৈ সাহ নোহোৱা হৈ গৈছে । অসান্তিয়ে আৱৰি ধৰিছে, এনে লাগে যেন প্ৰকাণ্ড পাহাৰ এখন মূৰৰ ওপৰত জাপি দিছে, এনে ভাৱ হয় যেন মৰি যাওঁ কিন্তু মৰিবও তো নোৱাৰো । আৰু নতুনকৈ সপোন ৰচিবও নোৱাৰো, ভয় লাগে যদি ভঙা হৃদয়ত আকৌ সপোনবোৰ মৰহি যায়, কি থাকিব তেতিয়া হৃদয়ত জ্বলি পুৰি চাই হৈ যাব । সেয়েহে এটি আশা এবুকু মৰমৰ অপেক্ষাত আজি ৰৈ আছোঁ । হেৰুৱা সপোন কেতিয়াও দুনাই নাহে বুলি জানিও অপেক্ষাৰ বাটত ৰৈ থাকো কিজানিবা সপোনবোৰ আকৌ ঘুৰি আহে । । ।
✍✍✍ইলিয়াছ হাছান✍✍✍