❤প্ৰেমৰ বিষয়ে একলম❤

লাইফৰ আটাইতকৈ ইণ্টাৰেষ্টিং কথা এটা হৈছে যে আটাইতকৈ মধুৰ সুখবোৰ আৰু আটাইতকৈ বিষাদ যন্ত্ৰণা তথা আঘাট যি আঘাট মন বা হৃদয়ে পায় সেই সকলোবোৰ যেন প্ৰেমৰ পৰাই প্ৰাপ্তি হয়।অৱশ্যে কথাটো সকলোৰে ক্ষেত্ৰত প্রযোজ্য নহ’বও পাৰে।এক্সুৱেলী সকলো মানুহ প্ৰেম কি চিনিয়েই নাপায়। হয়তো প্ৰেম কৰিবলৈকে নাজানে। হয়তো ইচ্ছা নাই।জীৱনত এবাৰো প্ৰেমত নপৰাজন মানুহ হ‘বই নোৱাৰে। ইংৰাজীত এষাৰ কথা আছে “A flower cannot blossom without sunshine, and man cannot live without love.“ মোৰ মতে কথাটো এশ শতাংশই সচাঁ।বয়সৰ ভিন্নতা অনুসৰি অৱশ্যে প্ৰেম কৰাৰ ষ্টাইল সুকীয়া সুকীয়া। প্ৰেম হৃদয়ৰ এক মিঠা অনুভূতি। প্ৰেম এক উপলব্ধি। প্ৰেমক উপলব্ধি কৰা যিমান সহজ, ব্যাখ্যা কৰা সিমান টান। প্ৰকৃতিৰ ৰূপৰ লগত ইয়াক তুলনা কৰিব পাৰি। প্ৰকৃতিয়ে যিদৰে ৰ'দ, বৰষুণ, বতাহ আদি দিয়ে ঠিক সেইদৰে প্ৰেমাৱস্থাত প্ৰেমিক- প্ৰেমিকাৰ মাজলৈ আহে হাঁহি, কান্দোন, আনন্দ আৰু বিষাদ। এই প্ৰেমৰ মাজেৰে সকলো যুৱক- যুৱতীয়ে সাজে কল্পনাৰ বালিঘৰ। প্ৰেমৰ আনন্দ ক্ষণস্থায়ী, কিন্তু প্ৰেমৰ বেদনা স্থায়ী। প্ৰেমৰ বাবে বেছি সময়ৰো প্ৰয়োজন নাই। কেতিয়াবা খুব কম সময়ৰ বাবে লগ পালেও কাৰোবাৰ সৈতে প্ৰেম হৈ যাব পাৰে। যাৰ সৈতে এবাৰ প্ৰেম হৈ যায়, তাক কেতিয়াও হৃদয়ৰ পৰা মচিব নোৱাৰি। নাইবা পাছত আন সম্পৰ্কও গঢ়িব নোৱাৰি। কিয়নো প্ৰেম প্ৰেমই। বান্ধৱীৰ সৈতেও পাছত প্ৰেম হ'ব পাৰে, কিন্তু প্ৰেমৰ পাছত বন্ধু কেতিয়াও হ'ব নোৱাৰি। ডান্টে- বিয়েট্ৰিছক লগ পাইছিল মাত্ৰ দুবাৰ, তেতিয়া ডান্টে প্ৰেমৰত পৰিছিল বিয়েট্ৰিছৰ। কিন্তু তেওঁলোকৰ প্ৰেমো আছিল যন্ত্ৰণাময়। ডান্টে বিয়েট্ৰিছক নাপালেও তেওঁৰ প্ৰেম আছিল প্ৰকৃত প্ৰেম, তেওঁৰ প্ৰেম আছিল মহান। যাৰ বাবে প্ৰেমৰ বেদনাত তেওঁৰ কলমৰ মাজেৰি নিগৰি আহিছিল 'ডিভাইন কমেডি' ৰ দৰে অমৰ গ্ৰন্থৰ। গতিকে দেখা যায় ডান্টেৰ এই 'ডিভাইন কমেডি' লিখাৰ প্ৰেৰণা আছিল বিয়েট্ৰিছৰ প্ৰেম। শ্বেক্সপীয়েৰ, ৰবাৰ্ট ব্ৰাউনিং, কালমাৰ্কস, টলষ্টয়, শ্ব্যেলী, গ্যেটে আদি বিখ্যাত মনীষীসকলৰ সাহিত্য সৃষ্টিৰ আঁৰতো আছিল তেওঁলোকৰ প্ৰেয়সীৰ প্ৰেৰণা। “ Mind has a thousand eyes And the hearth is one, Yet the light of a whole life dies When love is gone''. ✍�ইলিয়াছ✍ ❤ ❤ ❤