প্ৰিয়তমা তোমালৈ: জন্মদিন

Friday, 22 November 2019

জন্মদিন

শুভেচ্ছা নজনাওঁ তোমাক জন্মদিনৰ
কুশলেই আছা ছাগে
নিজৰ হাতেৰেই গুঁঠি লোৱা
বকুলৰ মালাডাল বুকুত সাৱটি
আঁজুৰি লোৱা সপোনৰে উমলি
কুশলেই আছা ছাগে তুমি ৷

তুমি ছাতি লৈ গুছি যোৱাৰ পাছতেই
নেৰানেপেৰা বৰষুণ, এজাক ৰ পাচত আকৌ এজাক
বৰ কষ্ট বৰ কষ্ট উদং পিঠিত চাবুকৰ কোব বৰ কষ্ট
আৰু বহুতো হ'ল কিবাকিবি
তুমি বুজিব নোৱাৰা মই বুজাব নোৱাৰা ৷

কোৱা , কি ৰঙৰ সাজ পিন্ধিবা আজি
তুমি ভাল পোৱা আকাশী নিলা
নে মই ভাল পোৱা গুলপীয়া
নে তেওঁৰ প্ৰিয় কিবা ৰং ৷

তুমি জানা প্ৰিয়ম্বদা
কোনেও শুভেচ্ছা নজনাই মোক
নাই কোনো বিজয় উল্লাস , নাই পৰাজয়ৰ দুখ
চিনাকি অচিনাকি, আপোন পৰ
সকলোৱে কয় মই হেনো বিদ্ৰোহী প্ৰেমিক

তুমি তো জানাই
সহানুভূতি মোৰ প্ৰিয় নাচিল কোনোদিন
আজিও নহয় ৷

No comments:

Post a Comment

প্ৰি়য়তমা তোমালৈ

☞☞☞ কঁপি কঁপি অহা কোলাহল হৃদয়ৰ দুখ বেদনাৰ শব্দবোৰত সৃষ্টি হোৱা অনুভৱৰ আবেগত মই এটি অন্ধকাৰ কোঠাত এখন উকা কাগজ আৰু এটি কলম লৈ বহিছো দু-এষাৰ লিখো বুলি ।
নাজানো জীৱনৰ শেষ কেতিয়া তথাপি সপোনৰ মাজত জীয়াই থকাৰ হেঁপাহ । কিন্তু যেতিয়া মনে সজা সপোনবোৰ ভাঙি যায় তেতিয়া ! তেতিয়া জীৱন হৈ পৰে এক অপাত্ৰক আৰু মৰণ হৈ পৰে শেষ পৰিণতি । কিন্তু কোনোৱে এইটো নিবিচাৰে । কিছুমান পৰিস্থিতিয়েহে বাধ্য কৰে । বৰ্তমান মইও এক অপাত্ৰক হৈ পৰিছো । মাথোঁ হৃদয়ত লিখা আছে দুখ বেদনাৰ হিয়াভৰা গান । কোৱা হয় যেতিয়া সপোনবোৰ ওচৰত থাকে তেতিয়া একো বুজিব নোৱাৰি বা উপলব্ধি কৰিব নোৱাৰি । কিন্তু যেতিয়া আতৰি যায় তেতিয়াহে উপলব্ধি কৰা হয় আৰু নিজৰ ভুল বুজি পোৱা যায় । কিন্তু হেৰুৱা সপোনবোৰতো আৰু ঘুৰাই পোৱা টান । এতিয়া মাথোঁ বিষাদৰ স্মৃতি আৰু চকুলোবোৰ একমাত্ৰ সংগী হৈ পৰিছে । আৰু আশা, আশা হৈয়ে ৰৈ আছে । জীৱন যাত্ৰাপথত আগুৱাই যাবলৈ সাহ নোহোৱা হৈ গৈছে । অসান্তিয়ে আৱৰি ধৰিছে, এনে লাগে যেন প্ৰকাণ্ড পাহাৰ এখন মূৰৰ ওপৰত জাপি দিছে, এনে ভাৱ হয় যেন মৰি যাওঁ কিন্তু মৰিবও তো নোৱাৰো । আৰু নতুনকৈ সপোন ৰচিবও নোৱাৰো, ভয় লাগে যদি ভঙা হৃদয়ত আকৌ সপোনবোৰ মৰহি যায়, কি থাকিব তেতিয়া হৃদয়ত জ্বলি পুৰি চাই হৈ যাব । সেয়েহে এটি আশা এবুকু মৰমৰ অপেক্ষাত আজি ৰৈ আছোঁ । হেৰুৱা সপোন কেতিয়াও দুনাই নাহে বুলি জানিও অপেক্ষাৰ বাটত ৰৈ থাকো কিজানিবা সপোনবোৰ আকৌ ঘুৰি আহে । । ।
✍✍✍ইলিয়াছ হাছান✍✍✍